სტრიები: რჩევები პრევენციისა და მკურნალობისთვის

ორსულობა და მშობიარობა, თქვენს ცხოვრებაში ერთ-ერთი ყველაზე ლამაზი მოვლენაა. მაგრამ იგი ორგანიზმისთვის ძალიან დიდი დატვირთვაა. გეზრდებათ მუცელი და იმატებთ კილოგრამებს. ორგანიზმის ახალი მოთხოვნილებების დასაკმაყოფილებლად კანი იჭიმება, რაც შემდეგ იწვევს სტრიებს. ბევრი ქალი ებრძვის ამ პრობლემას. შეიტყვეთ მეტი სტრიების შესახებ და თუ როგორ ავიცილოთ თავიდან ისინი.

რა არის სტრიები?

სტრიების გამომწვევი მიზეზები

სტრიების პრევენცია

სტრიების მოცილება

მნიშვნელოვანი კითხვები სტრიების შესახებ

თქვენი კანი შედგება სხვადასხვა ფენებისგან. ერთ-ერთი მათგანია შემაერთებელი ქსოვილი, რომელიც ჩვეულებრივ საკმაოდ მკვრივია და უზრუნველყოფს თქვენი კანის ელასტიურობას. მაღალი ელასტიურობა მნიშვნელოვანია ორსულობის დროს, რადგან თქვენი კანი საკმაოდ სწრაფად უნდა მოერგოს ახალ გარემოებებს. ამან შეიძლება გამოიწვიოს შემაერთებელი ქსოვილის გადაჭიმვა, რაც გამოიხატება სტრიების საშუალებით. ისინი, როგორც წესი, მკვეთრად ჩანს და წვრილი ზოლების სახით მოწითალო-ლურჯი ფერებით ჩნდება.

იმისდა მიხედვით, თუ რამდენად გადაჭიმულია შემაერთებელი ქსოვილი, სტრიები შეიძლება განსხვავდებოდეს ზომით. მცირე გამოხატულების შემთხვევაში შეიძლება იყოს მხოლოდ რამდენიმე სანტიმეტრი სიგრძისა და მილიმეტრის სიგანე. თუმცა, არსებობს ასევე მძიმე ნიშნები, რომელთა სიგანე შეიძლება იყოს ათ მილიმეტრამდე და მრავალი სანტიმეტრის სიგრძით. დიდი სტრიების ჩამოყალიბება შეიძლება მოხდეს მუცლის ქვედა მიდამოში.

მიუხედავად იმისა, რომ არ არსებობს წარმატების გარანტია, რა თქმა უნდა, შესაძლებელია სტრიების თავიდან აცილება. მაშინაც კი, თუ ისინი მთლიანად არ გაქრება, ამან შეიძლება მაინც გახადოს ისინი უფრო პატარა და ნაკლებად შესამჩნევი. 

თუმცა, მიდრეკილება აქ მთავარ როლს თამაშობს. არიან ქალები, რომელთა შემაერთებელი ქსოვილი ძალიან ელასტიურია, ამიტომ თითქმის არ ყალიბდება სტრიები. სხვებისთვის, წონის ოდნავი მატებაც კი იწვევს სტრიების წარმოქმნას.

სხვათა შორის, სტრიები მხოლოდ ორსულებს არ აწუხებთ. ადამიანები, რომლებიც სწრაფად იმატებენ წონაში, ასევე ხშირად განიცდიან მძიმე სტრიებს.

მასაჟი ასტიმულირებს სისხლის მიმოქცევას. სისხლის კარგი მიმოქცევა თავის მხრივ დადებითად მოქმედებს შემაერთებელი ქსოვილის ელასტიურობაზე. ამიტომ რეგულარულ მასაჟს შეუძლია თავიდან აიცილოს სტრიები. მაგალითად, შეგიძლიათ გამოიყენოთ ჩვენი HiPP Mamasanft ტანის გამამკვრივებელი  კრემი.

ჯაგრისით მასაჟი არა მხოლოდ სასიამოვნო შეგრძნებაა, არამედ ძალიან ეფექტურია, რადგან ის აუმჯობესებს სისხლის მიმოქცევას. ამ მასაჟის გაკეთება მარტივად შეგიძლიათ შხაპის მიღებისას ამიტომ ამისთვის დამატებითი დროის გამონახვა არ მოგიწევთ. გამოიყენეთ რბილი ჯაგრისი და მსუბუქი წრიული მოძრაობებით დაიმასაჟეთ მუცლის არე. ჯაგრისის კარგი ალტერნატივაა მასაჟის ხელთათმანიც. მასაჟის შემდეგ ეფექტის გასაუმჯობესებლად შეგიძლიათ კრემის ან ზეთის წასმაც. 

კიდევ ერთი ვარიანტია პინჩის მასაჟი, რომლის გაკეთებაც შეგიძლიათ კვირაში ორ-სამჯერ. ის ასევე ასტიმულირებს სისხლის მიმოქცევას და შემაერთებელ ქსოვილს უფრო ელასტიურს ხდის. სანამ მასაჟს დაიწყებთ კანი უნდა დაატენიანოთ, რომ უფრო მარტივი დასამუშავებელი გახდეს. ეს მასაჟი გულისხმობს მუცლის კანის ცერა და საჩვენებელ თითს შორის მოქცევას და ფრთხილად, ოდნავ მაღლა აწევას. თუმცა ეს დიდი ხანი არ უნდა გაგრძელდეს და დაუყოვნებლივ უნდა გაუშვათ ხელი.

ორსულობის რომელ კვირაში ხართ ამჟამად ჩვენი პრაქტიკული HiPP ორსულობის კალკულატორით შეგიძლიათ გაიგოთ

ბევრი ქალი სტრიების მკურნალობისას ვიტამინ E-ს მეშვეობით ცდილობს. დადასტურებულია, რომ ეს კანს უფრო მკვრივს ხდის და სტრიების განვითარების ნაკლები შანსია. იმისათვის, რომ გაიგოთ თუ როგორ იმოქმედებს თქვენს შემთხვევაში ეს მეთოდი, უმჯობესია თავად სხადოთ. შეგიძლიათ მიირთვათ საკვები, რომელიც განსაკუთრებით მდიდარია E ვიტამინით და/ან გამოიყენოთ შესაბამისი ზეთი. ვიტამინი E გვხვდება თხილში, მზესუმზირის თესლში, კალეში, სოიაში,მარცვლეულში და ა.შ.

სტრიები, როგორც წესი, არ არის მტკივნეული. ქალების უმრავლესობას მხოლოდ მათი ვიზუალი აწუხებთ. ორსულობის დროს სხეული ძალიან იცვლება. ის შესანიშნავ საქმეს აკეთებს - და ეს სხვადასხვა გზით გამოიხატება. სტრიები კი მისი ნაწილია.

გაწუხებთ თქვენი სტრიები? არსებობს მის შესამცირებად სხვადასხვა გზები არსებობს. თითოეულ შემთხვევაში ინდივიდუალურად უნდა განიხილებოდეს თუ რომელი მეთოდია თქვენთვის შესაფერისი. სამწუხაროდ, სტრიების მოცილება ყოველთვის მთლიანად არ არის შესაძლებელი.

თუ არცერთმა საცდელმა კრემმა შედეგი არ გამოიღო და ორსულობის შემდეგ კვლავ გაქვთ სტრიები, მათი მოცილების ერთ-ერთი ყველაზე ეფექტური მეთოდი ლაზერული მკურნალობაა. ლაზერული მკურნალობის მიზანია შემაერთებელ ქსოვილში კოლაგენის სტიმულირება ისე, რომ შეიქმნას ახალი ქსოვილი, რომელიც ბევრად უფრო მყარია. თუ ტკივილის მიმართ ძალიან მგრძნობიარე ხართ, მკურნალობის დროს შეიძლება უსიამოვნო შეგრძნება დაგეუფლოთ. ასევე შეიძლება გამოიწვიოს შეშუპება და სიწითლე. თუმცა ისინი რამდენიმე დღის შემდეგ ქრება. 

გარკვეულ პირობებში, სასურველი შედეგის მისაღწევად შეიძლება საჭირო გახდეს რამდენიმე სესია. ფასები იწყება დაახლოებით 350 ევროდან. სესების რაოდენობასთან ერთად იზრდება ფასებიც. როგორც წესი, მკურნალობის ხარჯებს ჯანმრთელობის დაზღვევა არ ფარავს.

ლაზერული მკურნალობისგან განსხვავებით, ულტრაბგერითი მკურნალობა ბევრად უფრო უმტკივნეულოა. ის მიზნად ისახავს მეტაბოლიზმის გაძლიერებას და სისხლის მიმოქცევის გაუმჯობესებას. გარდა ამისა, ამან ასევე შეიძლება გამოიწვიოს ქსოვილში აქტიური ნივთიერებების შენახვა, რომლებსაც აქვთ რეგენერაციული ეფექტი.

ვინაიდან მიკრონემსებით მკურნალობა გულისხმობს მცირე ნემსით მუშაობას, ეს მეთოდი სულაც არ არის შესაფერისი ტკივილის მიმართ მგრძნობიარე ადამიანებისთვის. იგი არ იწვევს ძლიერ ტკივილსმ თუმცა ნემსის ჩხვლეტის გარეშე ამ პროცედურას ვერ ჩაიტარებთ. 

კანი მუშავდება ნემსებით და იქმნება პატარა ხვრელები. ეს მიზნად ისახავს კანის რეგენერაციას, რათა ახალი კოლაგენი წარმოიქმნას და შემაერთებელი ქსოვილი გაძლიერდეს. შედეგის მისაღებად დაგჭირდებათ დაახლოებით სამი - ექვსი სესია. ერთი სესია გრძელდება 30-დან 60 წუთამდე.

მიკრონემსით მკურნალობის 1 სესია დაახლოებით 160 ევრო ღირს. მკურნალობის ხარჯებს ჯანმრთელობის დაზღვევა არ ფარავს.

კიდევ ერთი ტენდენცია არსებობს სტრიებთან ბრძოლაში. ბევრი ქალი უბრალოდ იკეთებს ტატუს სტრიების დასაფარად. ეს, რა თქმა უნდა, გარკვეულ ტკივილთან არის დაკავშირებული. მაგრამ ამ გზით თქვენ წყვეტთ რა დაამშვენებს თქვენს სხეულს სამუდამოდ.