ინტერვიუ „ჰიპის“ ორგანულ ბეჭედზე

დღესდღეობით დამკვიდრებულია ტენდენცია ორგანული პროდუქტების მიმართ. მაგრამ ორგანული საკვები ნამდვილად გარანტიაა ჯანსაღი კვებისა? შოკოლადიდან ხრაშუნებამდე - დღესდღეობით ნებადართულია ყველაფერს ეწოდოს ორგანულ პროდუქტი, თუ იგი შეესაბამება კანონიერ მოთხოვნებს.

პროფესორმა კლაუს ჰიპმა გავლენა მოახდინა გერმანიაში ორგანულ მეურნეობაზე, ისე როგორც არავინ. იგი უფრო დეტალურად მოგახსენებთ, თუ რა განსხვავებაა სტანდარტულ ორგანულ პროდუქტებსა და „ჰიპის “ორგანულ ხარისხს შორის .

თქვენ ფლობთ საკუთარ ორგანულ ბეჭედს. რატომ?

კლაუს ჰიპი: პირველ რიგში, მინდა აღვნიშნო, რომ ეს საკმაოდ გრძელვადიანი ტრადიციიდან მოდის. ჩვენ, 50 წელზე მეტია დაწყებული გვაქვს ორგანული მეურნეობა. 

იმ დროისთვის, ორგანულობა არ იყო ძირითადი საგანი. ჩვენ დინების საწინააღმდეგოდ დავდიოდით და ორგანული მეურნეობა ჩვენი ღრმა რწმენით წავახალისეთ. ამით, ჩვენ ვაყენებთ ხარისხის ახალ სტანდარტებს ბავშვთა კვებაში. ხარისხის  ეს პოლიტიკა გათვალისწინებულია ნიადაგის არჩევისას, დარგვისა და დამუშავების პროცესებში და წარმოდგენილია „ჰიპის“ ორგანულ ქილაში.

მაგრამ ევროკავშირის ორგანული ლოგო ასევე წარმოადგენს ხარისხს, არა?

კ. ჰიპი: რა თქმა უნდა. ევროკავშირის ორგანული მეურნეობის რეგულირება ძალიან კარგი რამ არის. ის კრძალავს ქიმიური და სინთეზური სპრეების და სასუქების გამოყენებას, მცენარეებში გენეტიკურ ინჟინერიას, საღებავებს, კონსერვანტებსა და არომატიზატორებს.

ამის შემდეგ, მაინც არის სხვა ორგანული ბეჭდის გამოყენების საჭიროება?

კ.ჰიპი: სავსებით. სტანდარტული ორგანული ლოგო კარგი და მნიშვნელოვანია. თუმცა, ეს არ მოიცავს ორგანული პროდუქტების ხარისხის ტესტირებას მათი ზრდის შემდეგ. დაბინძურებამ ჰაერში და მეზობელ მიწებში, კვლავ შეიძლება გამოიწვიოს ნაყოფის დაზიანება, უკვე მომწიფებულ ხილში, ბოსტენულსა და მარცვლოვანებში. ამგვარად, ბავშვთა საკვების დებულებები საშუალებას იძლევა ბავშვთა საკვებში პესტიციდების ძალიან მცირე რაოდენობით დაშვებას. თუმცა „ჰიპის“ შემთხვევაში ეს ასე არაა. მაქსიმალურად ვცდილობთ მინიმალურიც შევამციროთ: რაც გულისხმობს, რომ ჩვენ არ ვუშვებთ ამ ნარჩენების მოხვედრას საკვებში. ასე რომ, ჩვენ ვატარებთ სრულ ხარისხის ტესტირებას უმაღლეს ტექნოლოგიურ დონეზე. მხოლოდ სრულყოფილი ორგანული პროდუქტი ხვდება ქილებში და იღებენ ჩვენს ორგანულ ბეჭედს. 

„ჰიპის“ ორგანული ბეჭედი წარმოადგენს სისუფთავის უმაღლეს სტანდარტებს. რამდენად შესაძლებელია დღესაც ამის მიღწევა?

პირველ რიგში, ვიღებთ მიწის ნიმუშებს, რამდენად აკმაყოფილებს ესა თუ ის ადგილი ჩვენს მოთხოვნებს. უკვე მრავალი წელია, ჩვენ, ექსკლუზიურად, გვაქვს კონტრაქტები, ჩვენთვის ყველაზე გამოსადეგ მიწებთან, განსხვავებული ბოსტნეულის სახეობებისთვის. ათწლეულების განმავლობაში, ჩვენ დავაგროვეთ განსაკუთრებული ცოდნა, თუ როგორ უნდა მოხდეს თესლბრუნვა. ჩვენ, ასევე მხარს ვუჭერთ ადგილობრივ ფერმერებს მათ საქმიანობაში და საკმაოდ მჭიდრო კავშირი გვაქვს მათთან მთელი პროცესების განმავლობაში. მოგვიანებით, ტრანსპორტირებისას, ჩვენ ვიღებთ მხოლოდ იმ პროდუქტებს, რომლებიც აკმაყოფილებენ „ჰიპის“ კვლევითი ლაბორატორიის მოთხოვნებს. 

რამდენად ხანგრძლივია მავნე ნივთიერებების კონტროლი?

კ. ჰიპი: ჩვენ პროდუქტს ვამოწმებთ 1000-ზე მეტ მავნე ნივთიერებაზე, რაც მნიშვნელოვნად აღემატება კანონით დადგენილ მოთხოვნებს. როდესაც თქვენ ყიდულობთ 1 ქილას, მას 260 ტესტამდე აქვს გავლილი.  ჩვენი, საკმაოდ მგრძნობიარე საზომის დახმარებით, მცირედი მარილის ნაწილაკის აღმოჩენაც კი შეგვიძლია 25 მეტრიან საცურაო აუზში. „ჰიპმა“ ნებაყოფლობით დააწესა ძალიან მკაცრი შეზღუდვები, ამჟამად ყველა ცნობილ მავნე ნივთიერებებთან და მინარევებთან მიმართებაში. თუმცა, სიწმინდის ღირებული წვლილი, რა თქმა უნდა, მოდის თავად ორგანული ფერმერების მხრიდან: მათ მრავალი ათეული წლის განმავლობაში იციან ჩვენი უკომპრომისო პოზიცია. ჩვენ ერთობლივად ვალდებულნი ვართ, უზრუნველვყოთ უმაღლესი ხარისხი, რაც თავიდანვე ასე იყო. 

შეიძლება დაგაინტერესოთ:

ინტერვიუ, HiPP-ის ორგანულ

ხარისხთან დაკავშირებით

ბოსტნეულის მეურნეობა:

ქიმიკატების გარეშე!